Per üna natüra intacta

La cuntrada d’hozindi vegn absorbada per part ferm da diversas sorts d’ütilisaziun da l’uman. Da tschella vart stan ils bsögns e las pretaisas da la fauna e da la flora. In quist chomp da tensiuns s’intermetta  l’Organisaziun da chüra dal Grischun  da l’Uniun grischuna da chatschaders da patenta (UGCP) pels interess da la fauna e la flora. Quist succeda in stretta collavuraziun cun l’Uffizi da chatscha e pes-cha e culs organs da survaglianza da chatscha dal lö. L’Organisaziun da chüra da l’UGCP sa vezza eir sco partenari da gruppas d’interess sumgliaintas (uffizis, associaziuns, organisaziuns) ed ha per mera, da perseguitar cun quellas ils listess böts.

Böts da la chüra

Cun la chüra perseguiteschan ils chatschaders grischuns il böt, da mantgnair spazis da viver per l’intera biodiversità, da chürar e schi fa dabsögn da chürar tals ( l’uscheditta chüra da biotops). Quist dess pussibiltar ün svilup ed üna derasaziun adequata a la spezia da fauna e

flora.